Саудия Арабистони ички ишлар вазири Талал аш-Шалхуб "Ал-Арабия" телеканалида чиқиши чоғида мамлакатда 22 майдан бошлаб ҳаракатланиш бутунлай чекланишини маълум қилди.

Ушбу чеклов 27 майга қадар амал қилади.

Мусулмонлар учун муқаддас ҳисобланган Рамазон ойи ниҳоясидаги бундай қарор мамлакатда коронавирус тарқалишининг олдини олиш мақсадида қилинган. Анъанавий тарзда қироллик аҳолиси Ийд ал-Фитр байрами муносабати билан 23-27 май кунлари дам олишади. 

Ҳозирга қадар Саудия Арабистонида 67 719 та коронавирус ҳолати қайд этилган. 39 003 нафар бемор бутунлай соғайиб кетди. 364 та ўлим ҳолати тасдиқланди. Охирги бир кун ичида қиролликда коронавирус қайд этилиш ҳолати рекорд даражада ўсди - 2642 та ҳолат.