"Савдогарбанк" АТБ банк номини тубдан ўзгартириши мумкин
17.06.2022 17:51,
141
Февраль ойидан буён банкнинг деярли 100 фоиз эгасига айланган Рауф Камилджанов иштирокида бугун бўлиб ўтган акциядорлар умумий йиғилишида кун тартибидаги масалалардан бири сифатида "банк номини ўзгартириш" кўриб чиқилган.
Йиғилишда банк номини Акциядорлик-тижорат "Garantbank" деб ўзгартиришга қарор қилинган.
Амалдаги тартибларга кўра, мазкур жараён (банк номини ўзгартириш) бўйича тегишли ҳужжатлар Марказий банкка топширилиши зарур. Банкнинг янги номи Марказий банк томонидан янги лицензия берилгандан сўнг кучга киради.