Сербия бош вазири ўринбосари ва Ички ишлар вазири Небойша Стефанович ҳамда Сербия Соғлиқни сақлаш вазири Златибор Лончар “Срвена звезда” ва “Спартак” ФК ўртасида ўтказилган учрашувда жароҳат олган “Спартак” клуби мухлисларини шифохонада зиёрат қилди, деб хабар берди Б92 ахборот агентлиги.

Ўтган тунда 3 россиялик мухлис Белградда жароҳат олган. Улардан иккитаси турли даражадаги пичоқбозлик тан жароҳати сабаб шифохонага ётқизишган эди. Бирига эса тез тиббий ёрдам кўрсатилгач, кетишга рухсат берилган. Гувоҳларнинг маълум қилишича, матчдан сўнг тарқалаётган рус ва серб футбол мухлислари ҳужумга учраган. Тўқнашув Белграднинг “Партизан” футбол клуби мухлисларининг қизил-ҳаворанг шарф таққанларидан келиб чиққан. Полиция мазкур жиноят юзасидан тергов суриштирув ишларини олиб бормоқда.

Стефанович: “Бизнинг мақсадимиз жиноятчиларни қамоққа олиш ва жазолаш. Билиб қўйсинларки, Сербия маҳаллий ва хорижлик сайёҳларга безориликларни амалга оширишни машқ қиладиган майдон эмас”, деди.

Сербия Ички Ишлар Вазирлигининг маълумотларига кўра, ҳужум Крал Милан кўчасида тунги вақтда юз берган. Футбол мусобақаси “Срвена Звезда” клубининг 2:1 ҳисобидаги ғалабаси билан якун топган.