Сергелидаги автомобил бозори Тошкент вилоятига кўчирилади

Сергелидаги автомобил бозори Тошкент вилоятига кўчирилади

«Сергели» автомобиль бозори ҳудудида янги Car Box Service русумли автомобилларга хизмат кўрсатиш лойиҳасини амалга ошириш режалаштирилмоқда. Ушбу қарор президент Шавкат Мирзиёевнинг 29 май куни Сергели ва Зангиота туманларига бўлган ташрифи давомида давлат раҳбари маъмуриятининг протоколидан жой олгани маълум бўлди.

Ҳужжатда қайд этилишича, бош вазир ўринбосари — иқтисодий ривожланиш ва қашшоқликни камайтириш вазири Жамшид Қўчқоров ва молия вазири Тимур Ишметовга икки ҳафта ичида 32,2 миллион долларлик Car Box Service лойиҳасини амалга ошириш учун ҳисоб-китобларни кўриб чиқиш топширилган.

Тошкент вилояти ҳокими Рустам Холматов ва пойтахт ҳокими Жаҳонгир Ортиқхўжаевга «Сергели» автомобиль бозорини бошқа жойга кўчириш бўйича таклифларни ишлаб чиқиб, бир ой муддатда Вазирлар Маҳкамасига тасдиқлаш учун киритиш вазифаси юклатилган.

2018 йил март ойида Сергели автомобиль бозори («Истеъмолда бўлган транспорт воситалари ва эҳтиёт қисмлари Сергели бозор») Тошкент вилоятининг Юқоричирчиқ туманига кўчиб ўтиши мумкинлиги ҳақида хабар берилган эди. «Тошбозорсавдо» уюшмасининг таъкидлашича, автомобиль бозорининг кўчиши, бу Сергели туман аҳолиси учун ноқулайликлар, хусусан, турар-жойларни шаҳар маркази билан боғлайдиган йўлнинг тиқилиб қолиши билан боғлиқ.

Ўшанда Тошкент шаҳар ҳокимлигидан берилган маълумотларига кўра, Юқоричирчиқ туманида тайёргарлик ишлари олиб борилган. «Тошкент вилоятига кўчиб ўтиш, албатта амалга оширилади, аммо қачонлиги номаълум», — дея хабар берганди шаҳар маъмурияти.

Ишлатилган автомобиллар ва эҳтиёт қисмлар сотиладиган «Сергели» автомобиль бозорининг майдони 23,7 гектарни ташкил этади. Сергели туманининг собиқ ҳокими Нозим Ҳусанов (амалдаги бандлик ва меҳнат муносабатлари вазири) 2018 йил июнь ойида автомобиль бозори туман бюджетига йилига 11 млрд сўм даромад келтиришини таъкидлаганди.