Бош прокуратура ҳузуридаги Департаментнинг Шайхонтоҳур туман бўлими томонидан ўтказилган терговга қадар текширувда, “Z.G.” МЧЖ норасмий раҳбари А.Т. ва “A.P.” МЧЖ раҳбари А.лар ўзаро тил бириктириб, “A.P.” МЧЖнинг кредит қарздорлигини ёпиш учун “N.P.” МЧЖни ташкил қилишиб, банк филиалидан “Z.G.” МЧЖга тегишли Зангиота туманидаги бино-иншоотларни банк кредити асосида сотиб олиш учун ажратилган 1,5 млрд сўмнинг 1 млрд сўмини “A.P.” МЧЖнинг қарздорлигини қоплашга йўналтириб, қолган 500 млн сўмини шахсий эҳтиёжларига сарфлаб юборганликлари аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 179-моддаси (сохта тадбиркорлик) билан жиноят иши қўзғатилиб, тергов ҳаракатлари ўтказилмоқда.