Профессионал бокснинг супер енгил вазн тоифасида жанг олиб борадиган Шоҳжаҳон Эргашев бугун фаолиятидаги 18 жангини ҳам ғалаба билан якунлади.
Ушбу жангда Шоҳжаҳон мексикалик 29 ёшли боксчи Адриан Эстреллани 1-раундаёқ рингга қулатди. Берилган кучли зарбадан сўнг рақиби қаттиқ оғриқ сабабли жангни давом эттира олмади.
Эслатиб ўтамиз, Шоҳжаҳон Эргашев профессионал боксдаги 18 та жангида ғалаба қозонган. 16 та жангда рақибларини нокаут эвазига таслим қилган.