ЎзАʼнинг маълум қилишича, Фарғона шаҳрида “Ўзбекистон Республикаси Конституцияси фуқароларнинг ҳуқуқ ва эркинликлари, ҳуқуқий, демократик жамият кафолати” мавзусида илмий-амалий конференция бўлиб ўтди.
Тадбирда олий ўқув юртларининг профессор-ўқитувчилари, талаба-ёшлар, адлия, прокуратура ходимлари ҳамда жамоатчилик вакиллари иштирок этди.
Анжуманда Фарғона вилояти ҳокими Шуҳрат Ғаниев сўзга чиқди.
– Конституция фуқароларнинг ҳуқуқ ва мажбуриятлари мажмуасидир, – деди вилоят ҳокими Шуҳрат Ғаниев. – Уни билиб ва амал қилиб яшаш инсоннинг кундалик турмуши ва оилавий фаровонлигининг калитидир. Жамиятда ҳуқуқий онг ва ҳуқуқий маданиятни юксалтириш, хусусан, Конституциямизнинг муҳим жиҳатларини ёшларимизга болалигидан бошлаб ўргатиш бугунги куннинг асосий вазифаларидан бири саналади.