Швейцария ташқи ишлар федерал департаменти раҳбари Игназио Кассис Европа Иттифоқи мамлакатларида музлатилган Россия активларини мусодара қилиш ва уларни Украинага бериш масаласи референдумда ҳал қилиниши мумкинлигини айтди. Бу ҳақда дипломат Tages-Anzeiger газетасига берган интервьюсида маълум қилди.
Кассиснинг эслашича, Швейцария ҳукумати Россиянинг 7,5 миллиард доллардан ортиқ қийматдаги активларини блоклаб қўйган, ҳозирда улар эгалик қилади ва уларни мусодара қилиш мумкин эмас.
"Агар биз Украинани қайта тиклашга жиддий ёрдам бермоқчи бўлсак, уни қандай молиялашимиз ҳақида ўйлашимиз керак. Аммо Швейцарияда жиддий қонунчилик ўзгаришлари талаб қилинади, бунда сўнгги сўзни "халқ" айтиши мумкин. Бошқа мамлакатларда бу қарор парламент томонидан қабул қилиниши мумкин. Лекин ҳаммаси аниқки, бу қарор катта аҳамиятга эга бўлади", — деди Швейцария ТИВ раҳбари.
Кассиснинг таъкидлашича, Россия активларини шунчаки тортиб олиш мумкин эмас, Швейцарияда мулк ҳуқуқи қатъий ҳимояланган, жиддий ножўя таъсирлардан қочиш учун тўғри механизмлар зарур. Дипломатнинг сўзларига кўра, халқаро ҳуқуқда ечим топиш керак бўлади.