Сиёсий беқарорлик Қирғизистонга қанчага тушмоқда?

Сиёсий беқарорлик Қирғизистонга қанчага тушмоқда?

Фото: 24.kg

Дастлабки ҳисоб-китобларга кўра, Қирғизистондаги сиёсий беқарорлик туфайли етказилган зарар 2020 йил 10 октябр ҳолатига кўра 8 миллиард сомни ($104 млн.) ташкил этмоқда. Ушбу маълумот Бизнес-уюшмалар миллий алянси томонидан тақдим этилган, деб хабар беради 24.kg.

Мутахассисларнинг фикрига кўра, тахминан 210 миллион АҚШ долларигача бўлган йигирмадан ортиқ шартнома ва бизнес лойиҳалар бекор қилинди. Сиёсий беқарорлик туфайли миллиардлаб сомга йўқотилган фойда ишсизликни, солиқ ва тўловлар режаларини кўпайишига ва мамлакатнинг ижтимоий-иқтисодий аҳволини оғирлаштириши мумкин.

«Қонуний ва легитим давлат ҳокимиятини аниқлаш ҳамда мамлакат фуқароларининг ҳаёти ва мол-мулки хавфсизлигини таъминлаш учун консолидация жараёнини кечиктириш ҳукумат тармоқлари, депутатлар, ҳукумат, президент ва сиёсий кучлар олдида ҳозирги жараёнда катта масъулият бўлади. Қатъиятсизлик, кутиш ҳолати ва давлат функтсияларини билмаслик бугунги кунда тўғридан-тўғри бизнесга ва оилаларини боқадиган фуқароларга кўпроқ зарар келтиради", - дейилади хабарда.

Бизнес-уюшмалар миллий алянси барча сиёсий кучларни келишувга эришишга ва ҳуқуқий соҳага қайтишни таъминлашга, барча ҳукумат ташкилотларини фавқулодда ҳолат каби чораларни жорий этиш оқибатларини юмшатишга чақиради. Бизнес корхоналар ходимларининг эркин ҳаракатланишини ва юкларни ташишни, барча турдаги корхоналарда, хусусан кончиликда тезкор жавоб гуруҳларини тузиш билан хавфсизлигини таъминлаш чораларини кучайтиришни сўрайди.

"Барқарорлик бўйича чора-тадбирларни амалга оширгандан сўнг, ишбилармон доиралар қонунчилик даражасида талончиларни ҳибсга олиш ва мол-мулкни қайта тақсимлаш билан боғлиқ вазиятларнинг олдини олиш ва уларга қарши чоралар ишлаб чиқишни ҳозирги ҳолатга ўхшаш вазиятлар бўйича тезкор равишда амалга оширилаётган инқирозга қарши режалар алгоритмларини ишлаб чиқиш билан талаб қилмоқда", дейилади мурожаатда.