Сочидан Тошкентга парвозлар тўхтатилади
9.05.2022 09:46,
174
21 майдан «Россия» авиакомпанияси Сочидан Тошкентга парвозларни тўхтатади, 20 майдан эса Москвадан Тошкентга қараб «Аэрофлот» ўз парвозларини йўлга қўяди.
Маълум бўлишича, бошқа аэропортлар фаолияти тўхтатилгани сабабли Сочи аэропортида халқаро рейслар кўпайиб кетган. Айни пайтда Сочидан 8 та халқаро йўналишда парвозлар бўляпти.
Россия ва Украина низоси ортидан Россия жануби — Ростов, Краснодар, Анапа, Геленжике, Элиста ва Ставрополдаги аэропортлар фаолиятини тўхтатишган. Росавиация бошқа муқобил аэропортлардан фойдаланишни тавсия қилганди.
«Россия» авиакомпаниясининг давомчиси бўлган «Аэрофлот» Ўзбекистоннинг Тошкент, Урганч, Бухоро ва Самарқанд шаҳарларига рейслар қўяди.