Sof.uz нашри интернет журналистикаси ва ижтимоий медиа соҳасида йилнинг энг яхшиларини аниқлаш учун сўровнома ташкил этган эди. Сўровнома икки босқичда ўтказилди.
Sof.uz Телеграм ва Facebook каналида номинациялар учун номзодлар мухлислар ёзган изоҳлар асосида ҳамда сараланди. Изоҳларда энг кўп зикр этилган номзодлардан 10 та телеграм канали аниқланиб, онлайн сўровнома ташкил этилди.
Сўровномада жами 15595 киши қатнашди. Натижа қуйидагича кўриниш олди:
1. Зикр аҳлидан сўранг (@savollar_kanal) - 4884 та овоз, 30%
2. Xushnudbek.uz (@xushnudbek) - 3498 та овоз, 22%
3. Файзбоғ (@fayzboguz) - 1851 та овоз, 12%
4. Alimoff (@nurbekalimov) - 1563 та овоз, 10%
5. Davletov.uz (@davletovuz) - 1223 та овоз, 8%
6. TROLL.UZ (@trolluz) - 865 та овоз, 5%
7. Daryo — LIVE (@daryo_live) - 823 та овоз, 5%
8. Аслановдан иқтибос + (@iqtiboslar) - 464 та овоз, 3%
9. Замбаракнинг ўқи (@zambarakning_oqi) - 455 та овоз, 3%
10. Асанов формати (@AsanovEldar) - 369 та овоз, 2%.
Ушбу сўровнома аввалида @xushnudbek канали яққол пешқадам бўлиб келаётган эди. Бир қанча диний-маърифий каналларда сўровнома улашилгандан сўнг "Зикр аҳлидан сўранг" канали биринчи ўринга чиқиб олди.
@savollar_kanal ребрендинг қилинди. 2019 йил 5 июль куни янгидан бошланди. Қисқа муддат ичида мухлислар сонини 65,6 мингга етказиб олди. Каналнинг аввалги версияда мухлислар сони 200 мингдан ошган эди. Каналда асосан Шайх Муҳаммад Содиқ Муҳаммад Юсуф фатволари ҳамда "Зикр аҳлидан сўранг" ҳайъати тайёрлаган савол-жавоблар бериб борилади.
Xushnudbek.uz каналининг мухлислари сони эса тобора камайиб боряпти. Вақтида 192 000 кишини жамлаган канални ҳозирда 166,8 минг киши кузатмоқда. 2019 йили канал томонидан амалга оширилган энг катта иш, шубҳасиз 60 дан ортиқ эҳтиёжманд талабаларнинг контракт пулларини тўлаб беришга кўмаклашганидир. Шунингдек, каналда чоп этилган мақолалар сабаб жуда кўп муаммолар ҳал бўлди. Қонунчиликка ўзгартиришлар киритилди.
Файзбоғ ўзига "Бир оз юмор, бир оз мулоҳаза, бир оз танқид, бир оз таҳлил! (Ҳаммаси озгинадан. Бизда қўшиб ёзиш йўқ)" деб таъриф берган. Тармоқда ўз сўзини дадил айтаётган манбалардан бири. Канал баъзи фильм ва сериалларни ўзбек тилига таржима қилган ҳолда тақдим этмоқда.
Sof.uz томонидан ўтказилган ижтимоий сўровлар:
Sof.uz нашри йилнинг энг яхши блогерини аниқлади
Sof.uz нашри йилнинг энг яхши ОАВ сайтини аниқлади
Sof.uz нашри йилнинг энг яхши телеграм каналини аниқлади