Сўнгги соатларда Украина ва Россиядаги вазият қандай? Сўнгги соат янгиликлари қуйидагича:
✔️Германия Россиянинг энг йирик банки — Сбербанкнинг SWIFT тизимидан узилишига тўсқинлик қилмоқда — Bloomberg;
✔️"Россия SWIFT'дан бутунлай узилиши, G7 давлатлари эса Россия Федерациясидан нефт ва газдан воз кечиши керак", деб таъкидлади Британия ташқи ишлар вазири Лиз Трасс. У Россия Федерациясини янада яккалаб қўйиш учун Ҳиндистон ва Форс кўрфази мамлакатлари билан ҳамкорликни кучайтиришга ваъда берди.;
✔️Philip Morris тамаки компанияси (Parliament, Marlboro, Chesterfield L&M, Next, IQOS) Россиядаги инвестицияларни тўхтатиб, ишлаб чиқаришни камайтиришини маълум қилди;
✔️Nestle компанияси Россияга сармоя киритишни тўхтатганини маълум қилди — Reuters;
✔️ Европа Иттифоқи Россияга қарши санкцияларни кенгайтирди, 14 нафар россиялик тадбиркор ва уларнинг оила аъзолари, Федерация Кенгашининг 146 нафар аъзоси санкциялар рўйхатига киритилди.;
✔️Британия ва АҚШ Россия Украинада кимёвий қурол қўлланилишига замин яратаётганидан хавотирда;
✔️Жаҳон озиқ-овқат дастури Украинага бериладиган ёрдам нархини ойига 50 миллион долларга баҳолади;
✔️Зеленский Исроил парламенти спикерига парламент пленумида нутқ сўзлаш илтимоси билан мурожаат қилди;
✔️Грузия собиқ мудофаа вазири грузиялик кўнгиллилар билан Украинага боргани айтилмоқда;
✔️Google Play хизмати Россиядаги фаолиятини тўхтатади;
✔️Роскомнадзор TikTok'дан Россия президенти видео мурожаати билан боғлиқ чекловларни олиб ташлашни талаб қилди;
✔️ Бутунжаҳон карате федерацияси россиялик ва беларуслик спортчиларга ташкилот шафелигидаги халқаро турнирларда қатнашишни тақиқлади;
✔️Владимир Кличко Мариуполдаги туғруқхона яқинидаги жангларга муносабат билдирди:
“Юрагимдан қон кетяпти. Кўпинча урушнинг биринчи қурбони ҳақиқат деб айтилади. Ҳа, бу тўғри. Кўриб турганингиздек, Россияда шундай бўлмоқда. Лекин биласизми? Энг енгиб бўлмайдиган қурбонлар - бу болалар! Болалар ҳозир ўлмоқда! Бу фотосуратларга қаранг! Бу Путин махсус операцияси деб аталмиш амалиётнинг аниқ ва реал натижасидир. Бу "фаришталар"ни ўлдирмаса, ота-онасини ўлдиради, уйларини, мактабларини бузади. Болаларга ҳужум қилиш ҳаётга ҳужум қилишдир. Агар сиз бу фотосуратларни бошқа кўришни истамасангиз. Сиз ҳозир Путиннинг урушини тўхтатишингиз керак!"
✔️Eurosport телеканали Россияда ўз трансляциясини тўхтатади;
✔️Discovery компанияси Россияда ўзининг кабель каналлари намойишини тўхтатди:
Улар орасида: Animal Planet, Animal Planet HD, Discovery Channel, Discovery Channel HD, Discovery Science, Discovery Science HD, Eurosport 1, Eurosport 1 HD, Eurosport 2, Eurosport 2 HD, ID: Investigation Discovery HD, TLC, TLC HD бор.
✔️Финляндия Россияга қарши санкцияларни қўллаб-қувватлайди. Энди Ғарб Россия Федерациясига қарши яна бир чекловчи чоралар пакетини тайёрламоқда. "Финляндия санкцияларни кенгайтиришни, жумладан, банкларни SWIFT тизимидан узиб қўйишни қўллаб-қувватлайди", деди Финляндия бош вазири матбуот анжуманида;
✔️Пентагон МИГ-29 қирувчи самолётларини Украинага топширишни рад этди.Польша ҳукуматининг Украинага ҳарбий МИГ-29 қирувчи самолётларини топшириш таклифи Пентагон томонидан рад этилди. Бу вазиятни янада оғирлаштириши ва каттароқ урушга олиб келиши мумкин, деб ҳисоблайди Пент.