Сўнгги соатларда Украина ва Россиядаги вазият қандай? Сўнгги соат янгиликлари қуйидагича:
✔️Россия Федерациясининг “фейклар” ҳақидаги қонуни туфайли TikTok Россияда фаолиятини вақтинча тўхтатади;
✔️Украинада камида 364 нафар тинч аҳоли ҳалок бўлди, 759 киши яраланган – БМТ;
✔️Чавушўғли ва Лавров телефон орқали Украинадаги давом этаётган инқирозни енгиш масалаларини муҳокама қилди, шунингдек, Эрдўғон ва Путин бугун музокарада кўтарган мавзуларни муҳокама қилишда давом этди — Туркия ТИВ;
✔️Расман Қўшма Штатлар Украинага қирувчи самолётлар етказиб бериш учун НАТО давлатларига рухсат берди;
✔️Россия Мудофаа вазирлиги Украина ҳарбий-саноат комплекси корхоналарини бомбардимон қилиш ниятида эканлигини маълум қилди;
✔️НАТО яқин 5–10 йил ичида Украинанинг киришини муҳокама қилишга тайёр эмас, биз аъзолик аризаси учун курашмаймиз — Украина делегацияси аъзоси Арахамия;
✔️Москвадаги митинглардан жами 1700 киши ҳибсга олинган — Россия ИИВ;
✔️Россия глобал интернетдан узилишга тайёрланмоқда — Россия ОАВ;
✔️ American Express компанияси Россия ва Беларусдаги фаолиятини тўхтатди;
✔️Литвада АҚШнинг қўшимча артиллерия, ракетага қарши ва зенит қуроллари жойлаштирилади — Пентагон;
✔️Эрон президенти Украина аҳолиси АҚШнинг ёлғон ва жиноий сиёсати қурбонига айланганини айтди. Иброҳим Раиси, шунингдек, уруш қанчалик тез тугаса, ҳамма учун шунчалик яхши эканини таъкидлади;
✔️Рамзан Қодиров Украина президентига мурожаат қилиб, Путиндан унга бошпана сўраб беришини айтди;
✔️Путин келишилган спорт ўйинларига қарши кураш тўғрисидаги қонунни имзолади;
✔️Apple ва Google Pay хизматлари Visa ва Mastercard карталарида мавжуд бўлмайди — Россия Марказий банки;
✔️Молдова нейтрал давлат сифатида 250 минг украиналик қочқинни қабул қилди — мамлакат президенти Майя Санду;
✔️АҚШ Украина ва қочқинларни қабул қилувчи давлатларга ёрдам бериш учун 2,5 миллиард долларлик жамғарма ташкил қилади.