Чораклик ҳисобот тақдимоти доирасида Sony жорий иқтисодий вазият компанияни PlayStation 5 нархини оширишга мажбур қилиши мумкинми, деган саволга жавоб беришдан бош тортди, деб хабар беради VGC. Апрель ойида Sony бир қатор маиший электроника маҳсулотлари, жумладан камералар, уй кинотеатри тизимлари, наушниклар ва динамиклар нархларини оширди.
«PlayStation 5 нархининг потенциал ошишига келсак, мен ҳозирда нарх ҳақида ҳеч нарсани очиқлай олмайман», деди Sony CFO Хироки Тотоки баёнотида.
Баҳорда компания маиший электроника нархларини қайта кўриб чиқиш яримўтказгичларнинг давом этаётган тақчиллиги ва хом ашё, ишлаб чиқариш ва тарқатиш нархининг ошишига олиб келган бошқа ташқи омилларни ҳисобга олган ҳолда амалга оширилганини тушунтирди.
Sony ҳисоботига кўра, компаниянинг ўйин ва тармоқ хизматлари бўлими дастурий таъминот савдоси сезиларли даражада пасайганидан сўнг операцион фойданинг пасайишига дуч келмоқда. Шундай қилиб, умумий савдо ҳажми 2 фоизга, операцион фойда эса 37 фоизга камайди.