Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Sony смартфон савдосида рақибларини «ер тишлатиш»ини айтди (видео)
20.03.2017 12:14,  
14

Chipworks блогида ёзилишича, Sony’нинг мобиль қурилмалар учун ишлаб чиқараётган камера датчикларидан жаҳондаги қатор ишлаб чиқарувчилар, жумладан Apple корпорацияси ҳам ўзининг флагманларида фойдаланади. Мисол учун, iPhone 7 процессорида Sony Exmor RS технологик платформаси ва Bayer RGB фильтридан фойдаланилган. Лекин, яқиндагина Sony ўзининг энг илғор камера модулларини фақатгина ўзи ишлаб чиқараётган смартфонлар учун асраб қўйгани маълум бўлди, деб ёзмоқда Terabayt сайти.

Бир муддат аввал Imaging Resource сайтида Sony раҳбари билан ўтказилган суҳбат эълон қилинган эди. Суҳбат чоғида компания раҳбари Sony сурат датчикларини етказиб беришни чеклаётганини маълум қилган.

Интервьюда япониялик корпорация раҳбари келажакда Sony’нинг энг илғор камера технологияси фақатгина бренднинг ўз смартфонларида татбиқ этилиши ҳисобига компания жаҳондаги смартфон рақобатида ғолиб чиқишни режа қилаётганини айтган.

Илғор суратга олиш технологияси деганда Sony 3 йўналишга диққатини қаратмоқда: тасвир сиғими катталаштирилган суратлар олиш, камера оптик приборининг ёруғликни қамраб олиш даражасини ошириш ва датчикларнинг тезкор ишлаши.

MWC 2017 анжуманида Sony компанияси Xperia XZ Premium номли янги флагман смартфонни тақдим этган эди. Бу гаджет секундига 960 кадр ёзиб олиш тезлигига эга «секинлаштирилган видео режими»га эгалиги, камера модули ўзининг шахсий доимий хотирасига эгалиги билан жаҳонда тенгсиз. Motion Eye деб номланган технология сабаб Sony смартфони рақибларидан устун туради.

Қуйидаги, Xperia XZ Premium’нинг «секинлаштирилган видео режими»да олинган видеода бунга ўзингиз ҳам гувоҳ бўлинг:

 

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан