Ягона интерактив давлат хизматлари портали — my.gov.uz’да сотилаётган ҳовли-жойларни «снос»га тушган ёки тушмаганини аниқлаш имкони яратилди.
Бунинг учун сайтдаги «Кўчмас мулк бузилишга тушган ёки тушмаганлиги тўғрисида маълумотнома бериш» хизматини танлаб, бўш катакларга кадастр рақами ва бино номини ёзиш керак бўлади.
Хизмат пуллик, my.gov.uz порталидан фойдаланилганда 10 фоиз чегирма мавжуд.
Хизмат кўрсатиш муддати 3 кунни ташкил қилади.
Ушбу қулайлик ҳовли-жой сотиб олаётганда, уйни капитал таъмирлаётганда қўл келади.