Россия «Совкомбанк»и томонидан «Ўзагроэкспортбанк»ни сотиб олиш бўйича битим бекор қилинмоқда. Бу ҳақда Санкт-Петербург иқтисодий форумида «Совкомбанк» бошқаруви раисининг биринчи ўринбосари Сергей Хотимский маълум қилди.

«Афсуски, бизга, шунингдек, деярли барча тизимли аҳамиятга эга бўлган Россия банкларига нисбатан санкциялар қўлланилгани сабабли, ҳозирги шароитда лойиҳани амалга ошириш имконсиз бўлиб қолди.

Шу ўринда тушуниш керакки, бизнинг ҳар қандай шўъба банкимиз автоматик равишда санкцияларга тушиб қолади, бу эса Ўзбекистон учун муаммо бўлади», — дейди у.

«Совкомбанк» ХАЖ бошқаруви раисининг биринчи ўринбосари Сергей Хотимский Подробно.уз сайтига берган интервьюсида «Ўзагроэкспортбанк»ни сотиб олиш бўйича битим томонларнинг ўзаро қарори билан бекор қилиниш арафасида эканлигини айтди.

Хотимский вазиятнинг яхшиланиши билан банк Ўзбекистон бозорига фаол кредитор сифатида қайтишига умид билдирди. Шунингдек, у «Ўзагроэкспортбанк» ҳеч қачон Россия банкининг шўба корхонасига айланмаслигини қўшимча қилди.

Эслатиб ўтамиз, 2022 йилнинг февралида «Совкомбанк» «Ўзагроэкспортбанк»ни 4 миллион долларга сотиб олгани маълум бўлган эди. Бироқ Россия ва Украина ўртасида ҳарбий можаро бошланганидан сўнг АҚШ «Совcомбанк»га қарши санкциялар жорий қилган эди. Март ойида аллақачон молиявий муассаса асосчилари, ака-ука Хотимскийлар ҳам санкциялар рўйхатида эди.

Корхона ва ташкилотларнинг ягона давлат реэстри маълумотларига кўра, 2022 йил 17 июнь ҳолатига кўра, «Ўзагроэкспортбанк» акциядорлик жамиятининг устав капиталидаги 100 фоиз улуш Давлат активларини бошқариш агентлигига (АҚШ) тегишли.