Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Стив Жобс ҳаётда ва иш жараёнида қандай қоидаларга амал қилган?
21.11.2022 11:44,  
130

Стив Жобс. Бу исмни эшитганда ҳамманинг кўз олдига ўта мукаммал дизайн ва юқори технологик имкониятларга эга Iphone уяли алоқаси ёки қиймати салкам 2 триллион АҚШ долларига тенг йирик технологик Apple компанияси келади. Узоқ йиллар давомида дунё IT ва технология оламига ўзининг ноодатий ихтиролари билан машҳур бўлган Стив Жобс ҳозирда ҳаёт бўлганида 65 ёшини қаршилаган бўлар эди. Аммо, Apple асосчиси, афсонавий бизнес-магнат 8 йиллик саратонга қарши курашдан сўнг 56 ёшида ҳаётдан кўз юмди.

Деярли 40 йиллик карьераси давомида Стив Жобс бутун бир саноат қиёфасини ўзгартириб юборган инқилобий қарорларни таклиф қилган. Дунё IT оламини ўзгартириб юборган Стив Жобс ҳақида “Big Picture” нашри унинг ўз фаолияти давомида қандай ҳаётий тамойилларга асосланганига оид маълумотлар билан бўлишди. Қуйида мазкур маълумотларни сизга тақдим этамиз.

Мукаммалликка интилинг

Стив Жобс деталларга жуда эътиборли бўлган. Биринчи iPod тақдимоти арафасида Аpple компанияси ходимлари туни бўйи қулоқчинлар дарчасини алмаштиришган, чунки Жобс шундай қилинса, яхшироқ бўлади деган қарорга келган.

 

Экспертлар билан ишланг

 

Жобс компания савдо тармоғини ишга туширишдан аввал “Gap” компаниясидан машҳур америкалик инвестор Микки Дрекслерни жамоага ишга ёллаган. Кейинчалик Жобснинг ушбу қарори Apple компаниясига миллиардлаб фойда келтирган.

 

Соддалаштиринг

 

Жобс дизайнининг фалсафаси – доимий соддалаштириш дея ҳисоблаган. iPod`нинг энг биринчи моделларини ишлаш давомида у дизайнерларга тугмалардан, жумладан ёқиб ўчириш тугмасидан ҳам халос бўлишни буюрган. Дизайнерлар дастлаб норози бўлган бўлсалар-да, кейинчалик машҳурликка эришган айланма “ғилдирак”ни ишлаб чиқишган.

Афсусланманг

 

Жобс жамоатчиликка намойиш қилган маҳсулотлар билан ҳам, ишлаб чиқарилиши “музлатилган” ишланмалари билан ҳам бирдек фахрланган. Масалан, Жобс Palm Pilot клонини яратиш устида қаттиқ меҳнат қилган, бироқ мобил телефонлар “КПК”ни бозордан сиқиб чиқараётганини англагач, ортиқча афсус-надоматларсиз барча ишланмаларни тўхтатади ва бу муҳандисларга iPod устида ишлаш имконини берди.

Фокус-гуруҳларга эътибор қаратинг

 

Жобснинг “Одамларга намойиш этмагунингча нима хоҳлашаётганини ўзлари ҳам билишмайди”, - деган машҳур гапи бор. Шу боис унинг ўзи бир кишидан иборат фокус-гуруҳ сифатида ишлаган – маҳсулотлар прототипларини уйига олиб кетиб, ойлаб уларни синовдан ўтказган.

 

Ўрганиш ва тадқиқ қилиш – охири йўқ жараён

 

Apple учун қурилмалар яратиш жараёнида Жобс “Sony” компанияси маҳсулотларининг шрифти, эргономикаси ва ташқи кўринишини яхшилаб ўрганган.

Биринчи “Mac” корпуси устида ишлаётиб, у Apple компанияси автотураргоҳига чиқиб, Германия ва Италия автомобиллари кузовлари тузилишини тадқиқ қилган. Натижа эса барчага маълум, ҳозирда Apple компанияси “Macbook” компьютерлари жаҳонда энг гўзал дизайнга эга компьютерлардан бири ҳисобланади.

 

Сир сақланг

 

Apple компаниясида ҳеч ким ортиқча гап-сўзга берилмаган. Сир сақлашга риоя қилиш Жобсга одамлар орасида ўз маҳсулотларига бўлган катта қизиқишни сақлаб қолишга ёрдам берган. Натижада эса унинг тақдимотлари сўзсиз кун янгилигига айланган.

 

Кичик жамоалар билан ишланг

 

Дастлаб Macintosh жамоасида 100 киши бўлган. 101-ходим ёлланадиган бўлса, кимдир ўз ўрнини бўшатишига тўғри келган.

Жобс компания ходимларининг фақат 100 нафарининг исми-шарифини эслаб қолиши мумкинлигини айтган.

 

Камроқ танбеҳ, кўпроқ мотивация

 

Жобс етарлича қаттиққўл раҳбар бўлган, лекин Apple ходимлари уни кучли мотиватор сифатида қабул қилишган. Apple жамоаси илк “Mac” маҳсулоти устида уч йил давомида 90 соатлаб ишлаган ва бунинг натижасида афсонавий маҳсулот яратилган.

 

Прототиплардан фойдаланинг

 

Жобс амалга оширган ишларнинг бари прототипларда ишлаб чиқилган: техника, дастурий таъминот, ҳатто Apple дўконлари ҳам. Архитектор ва дизайнерлар бир йилдан ортиқ вақт давомида компания штаб-квартираси яқинидаги махфий омборда дўкон прототипини лойиҳалаштиришган. Бу Жобс лойиҳани йўлга қўйиши ва барини бошидан бошлаши учун бажарилган.

 

Интернет материаллари асосида Темур ЭШҚУВВАТОВ тайёрлади.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан