Сурхондарё вилояти прокуратураси матбуот хизматининг хабар беришича, 2021 йил мобайнида вилоятда 337 нафар шахс томонидан коррупцияга оид жиноятлар содир этилган. Уларнинг 32 нафари вилоят миқёсидаги, 305 нафар туман ва шаҳар миқёсидаги мансабдор шахслардир. Ҳозирга қадар 239 та жиноят иши айблов хулосаси билан тегишли судловга юборилган бўлса, 33 та жиноят иши бўйича дастлабки тергов ҳаракатлари давом этмоқда.
Жорий йилнинг дастлабки тўрт ойида эса жами 133 та коррупцион ва мансабдорлик жиноятлари содир этилган бўлиб, шундан 97 нафар шахсга нисбатан 73 та жиноят ишлари судга юборилган. 56 та жиноят иши бўйича дастлабки тергов ҳаракатлари олиб борилмоқда.