Таиланд Соғлиқни сақлаш вазирлиги Хитойнинг Вухан шаҳрида аниқланган янги номаълум вируснинг олдини олиш учун мамлакат бўйлаб аэропортлар ва касалхоналарда юқори даражадаги эҳтиёт чораларини кўрмоқда, деб ёзмоқда Бангкок Пост газетаси.
Хабар қилинишича, бундай чоралар Хитойдан кўплаб сайёҳлар Таиландда Хитой Янги йили нишонлаш учун келадиган пайт яқинлашиши муносабати билан амалга оширилган. Соғлиқни сақлаш вазирининг ўринбосари Сухум Канчанапимайнинг сўзларига кўра, мутахассислар Хитойдан тўғридан-тўғри рейсларни амалга оширадиган маҳаллий аэропортларга келган сайёҳларни текширадилар. Вазирлик барча хусусий ва давлат касалхоналарига касалланган одамларни даволашни буюрди.
Декабр ойининг охирида Хитойнинг Вухан шаҳрида янги вирус аниқланди. Мутахассислар илгари бундай вирусга дуч келишмаган эди. 11 январ куни ушбу вируснинг биринчи қурбони топилди.