Россиянинг Сбербанк давлат банкига қарашли банкоматларнинг 80 %дан ортиғи ўзбек ва тожик тилларида хизмат кўрсатишни бошлади, деб хабар бермоқда Ведомости.

“Нақд пул олиш, ҳисобдаги пул-маблағларни текшириш ҳамда мобил алоқа воситаларига тўловлар каби хизматлар бу тилларда ҳам таклиф этилмоқда”, - дейилади компания матбуот хизмати хабарида.

Бундан ташқари, банк офисларида хорижий фуқаролар орасидаги машҳур молиявий маҳсулотлар, масалан дебет карта каби, тақдимотлари инглиз, ўзбек ва тожик тилларида ўтказилади.

“Хорижий фуқаролар банк маҳсулотлари ва хизматларидан фаол тарзда фойдаланишади. Биз хизматларимизни мижозларнинг она тилларида таклиф қилиниши улар ва банк орасидаги муносабатларни янада яқинлаштиришини англадик”, - деди Сбербанкнинг “Махсус ечимлар” дивизиони директори Aлександра Aлтухова.