Telegram ноёб стикерлар, 4 Гб гача файлларни юклаш ва рекламаларни ўчириб қўйиш билан пуллик обунани ишга туширди. Бу ҳақда компания якшанба куни маълум қилди.

«Telegram Premium обунасига рўйхатдан ўтгандан сўнг иловадаги деярли барча лимитлар икки баравар кўпайди. Абонентлар 4 Гб гача бўлган файлларни юклашлари, файлларни максимал тезликда юклаб олишлари, ноёб стикерлар ва реакциялар юборишлари, чатларни бошқариш учун қўшимча воситалардан фойдаланишлари мумкин бўлади - ва бошқа кўплаб имтиёзларга эга бўлади», — дейилади компания баёнотида. 

Telegram жамоаси бошқа янгиликлар қаторида овозли хабарларни таниб олиш, доимо ёниб турувчи видео аватарлар, махсус обуначи белгиси, иловалар учун янги пиктограмма ва рекламаларни ўчиришни алоҳида таъкидлайди.

«Шу билан бирга, фойдаланувчилар деярли ўн йил давомида таяниб келган барча мавжуд функциялар ҳамма учун бепул бўлиб қолмоқда. Бундан ташқари, Telegram Premium'га эга бўлмаганлар ҳам обуначилар учун мавжуд бўлган баъзи имтиёзлардан фойдаланишлари мумкин. Масалан, барча фойдаланувчилар жуда катта ҳажмдаги файлларни юклаб олишлари ва обуначилар томонидан юборилган стикерларни кўришлари мумкин, шунингдек, уларнинг ёнидаги ҳисоблагични кўпайтириш орқали хабарга аввал қўшилган эксклюзив реакцияларга қўшилишлари мумкин», — дея таъкидлайди Telegram жамоаси.