Telegram'да янги функция пайдо бўлади
16.07.2022 14:12,
58
Telegram мессенжери овозли хабарларни юборишни тақиқловчи функцияни ишга туширади. Telegram бўлажак янгилик ҳақида расмий каналида эълон қилди.
Канал маълумотларига кўра, мессенжернинг Android қурилмалари учун бета-версиясида овозли хабарларни юборишни тақиқлаш мумкин бўлди. Янги функциядан фақат пуллик обунага эга Telegram фойдаланувчилари фойдаланиши мумкин.
Қайд этилишича, контактларга овозли хабарларни танлаб юборишни тақиқлаш мумкин бўлади. Вариант махфийлик созламаларида пайдо бўлади. Унинг кенг доирадаги фойдаланувчилар учун қачон тақдим этилиши ҳозирча номаълум.