Теннисчи Жокович коронавирусга қарши курашиш учун 1 миллион евро ажратди
27.03.2020 21:23,
80
Сербиялик теннисчи Новак Жокович ва унинг рафиқаси Елена коронавирусга қарши билан курашиш учун 1 миллион евро хайрия қилди, дея Reuters хабар берди.
Таъкидланишича, пуллар тиббий асбоб-ускуналар ва ўпкани сунъий шамоллатиш мосламаларини сотиб олишга сарфланади.
Бундан олдин Англиянинг "Манчестер Юнайтед" футбол клуби дарвозабони Девид Де Хеа коронавирусга қарши курашиш учун 300 минг евро хайрия қилганди.
Аввалроқ Англиянинг "Ливерпул" футбол клуби ҳужумчиси Муҳаммад Салоҳ Мисрда коронавирусга қарши курашиш учун 1,17 миллион евро эҳсон қилгани ҳақида хабар қилган эдик.