Tesla АҚШдаги барча моделларининг нархини яна бир бор пасайтирди. Бу статистик маълумотлар эълон қилинганидан кўп ўтмай содир бўлди, унга кўра автомобил ишлаб чиқарувчиси режалаштирилган савдо даражасига эриша олмади. Шу билан бирга, компания ўзининг энг ҳамёнбоп электромобилига давлат чегирмаси янги қоидалар туфайли тез орада икки баробарга қисқаришини тасдиқлади, деб ёзади Automotive News.

2023 йилнинг биринчи чорагида Tesla бутун дунё бўйлаб 422 875 та автомобил жўнатди. Бу 2022 йилнинг худди шу давридаги натижадан 36 фоизга ошди, аммо бош директор Илон Маск томонидан белгиланган мақсад 50 фоизни ташкил этади. Қўшма Штатларда қанча электромобил сотилган, ишлаб чиқарувчи ошкор қилмади, аммо Cox Automotive мутахассисларининг фикрига кўра, бу миқдор 180 993 донани ташкил этади.

Tesla ўзининг расмий веб-сайтида 18 апрелдан бошлаб энг арзон Model 3 учун федерал солиқ имтиёзлари икки баравар камайтирилиб, 3750 долларгача камайтирилишини эълон қилди. Бу инфляцияни камайтириш тўғрисидаги қонун (IRC) томонидан белгиланган янги қоидалар билан боғлиқ.