Американинг Tesla электромобиллар ишлаб чиқариш ширкати мамлакат тарихидаги энг қиммат автомобиль ишлаб чиқарувчига айланди. Унинг капитализацияси General Motors ҳамда Ford’никидан ошиб кетган.
Tesla акциялари ўсишига бир қанча омиллар таъсир қилган: 2019 йилгинг III чорагидаги кутилмаган юқори даромад (қарийб $143 миллион), Хитойдаги биринчи заводнинг очилиши. Охирги 3 ойда компания акциялари деярли икки баробарга қимматлашган. Ҳозирда Tesla капитализацияси $89 млрдни ташкил этади.
Tesla 2019 йилда жами 360 минг дона автомобиль етказиб берган. Таққослаш учун: Ford ва GM АҚШнинг ўзида 2 миллион дона машина сотган. Tesla’нинг даромади ўтган йили $24 млрддан ошмаган, биргина Ford ундан 6 баравар кўпроқ ишлаб топган — $144 млрд.
Мавзуга доир: Электрокарлар даври: Германия автосаноати дунёдаги етакчилигини бой беряптими?