АҚШнинг Time журнали сайёранинг энг нуфузли одамларини аниқлади. Рўйхатда сиёсатчилар, Голливуд юлдузларидан тортиб, руҳонийларгача бор.
"Тайм" рўйхатининг ўзига хослиги шундаки, шахслар "энг" сифати бўйича юқоридан пастга тизилмайди, балки тоифалар бўйича мансублик асосида тузилади. Жаҳоннинг энг нуфузли сиёсатчилари орасида Владимир Путин, Ангела Меркел, Барак Обама, Си Цзинпин, Франсуа Олланд, Ражаб Тойиб Эрдўғон ва КХДР етакчиси Ким Чен Инлар бор. Шунингдек, АҚШ президентлигига номзодлар Хиллари Клинтон, Доналд Трамп, Берни Сандерс ва Тед Крузлар рўйхатдан жой олган.
Рўйхатдан Facebook асосчиси Марк Цукерберг, киноактёр Леонардо Ди Каприо, Apple раҳбари Тим Кук, рус тадбиркори Юрий Милнер, югурувчи Усейн Болт, Рим Папаси Франциск ва бошқа машҳур инсонлар ўрин олган