2019 йилда тинчлик бўйича Нобел мукофоти ўтган йили қўшни Эритрея билан чегара муаммосини ҳал қилишга қўшган ҳиссаси учун Эфиопия бош вазири Абий Аҳмад (Abiy Ahmed)га берилди. Бу ҳақда BBC хабар қилмоқда.
Жаноб Абийнинг Эритрея билан тузган тинчлик шартномаси 1998-2000 йилларда бошланган 20 йиллик ҳарбий ҳаракатларга чек қўйди.
У Ослода ўтказиладиган 100-Тинчлик бўйича Нобел мокофоти совриндори бўлди. Мукофот декабрь ойида ўз эгасига топширилади.
Нуфузли мукофот учун жами 301 номзод, шу жумладан 223 киши ва 78 ташкилот кўрсатилган. Ушбу номзодлар орасида Грета Тюнберг исмли швед мактаб ўқувчиси ҳам бор эди ва таҳлилчилар айнан уни ушбу мукофотни қўлга киритишини тахмин қилишган эди.
Мукофот, шунингдек, Эфиопия, Шарқий ва Шимоли-шарқий Африка минтақаларида тинчлик ва ярашиш учун ишлаётган барча манфаатдор томонларнинг тан олиниши ҳисобланади, деди Нобел қўмитаси.