Ўзбекистонда сайёҳлик визасини олишнинг соддалаштирилган тартиби қўлланиладиган давлатлар сони 77 тага етди. Бу ҳақда Ташқи ишлар вазири Абдулазиз Комилов “Халқ сўзи” газетасига берган интервьюсида айтиб ўтди.

Хабарда айтилишича, хорижий мамлакатлардан 13 та жамоатчилик ва маданият арбоблари Ўзбекистон сайёҳлик брендининг элчилари этиб тайинланди. Хорижий давлатлардан Ўзбекистонга сайёҳлар оқимини оширишга қаратилган 8 та “Йўл харитаси” тасдиқланди.

Шунингдек, хориждаги 50 та сайёҳлик кўргазмасида Ўзбекистон сайёҳлик компанияларининг иштирок этишига ёрдам кўрсатилди. Натижада шу давр [2019 йил] ичида туристлар сони 27,1 фоиз ошиб, 6,23 миллион кишини ташкил этди.