Тожикистон - Ироқ йўналишда ҳаракатланаётган юк машиналари Ўзбекистонда тўхтатиб қолинди

Тожикистон - Ироқ йўналишда ҳаракатланаётган юк машиналари Ўзбекистонда тўхтатиб қолинди

26 апрел куни Тожикистондан Ироққа қараб йўлга чиққан юк машиналари Тошкент вилояти "Ойбек" ўсимликлар карантини чегара масканида тўхтатиб қўйилган.

Автотранспортлар Тожикистондан қуруқ мевалар олиб кетаётган эди.

Чегара масканида тўхтатилишининг сабаби мазкур автотранспортларда Ўзбекистон Республикаси ҳудудидан транзит олиб ўтиш учун карантин инспекцияси томонидан бериладиган карантин рухсатномаси йўқ бўлган.

Ўсимликлар карантини давлат инспексиясининг матбуот котиби Дурдона Очилованинг маълум қилишича, карантин рухсатномаси 20 дақиқа ичида расмийлаштириб берилган.

"Авваллари бундай рухсатномалар олиш учун берилган мурожаатлар 30 кун давомида кўриб чиқилган бўлса, ҳозирда 3 кун ичида "Ўздавкарантин" инспекцияси карантин рухсатномаси расмийлаштириб беради", - дейди матбуот котибаси.