2019 йилда Тожикистонга 1,3 миллиондан ортиқ хорижлик сайёҳлар ташриф буюрган. Дастлабки учликни Ўзбекистон, Россия, Қирғизистон фуқаролари ташкил этади деб хабар бермоқда Спутник тожик хизмати.
Мамлакатга энг сайёҳлар Ўзбекистондан ташриф буюрган. Ўзбек туристларининг сони 853 634 киши бўлиб, бу бир йил олдингига нисбатан 100 мингга кўпроқ, салмоғи эса жами сайёҳларнинг 65,66 фоизини ташкил қилади.
Иккинчи ўринда Россия Федерацияси — 212 062 киши. Қирғизистон эса 116 277 киши билан учинчи поғонада турибди.
Дастлабки бешликни Афғонистон (22,8 минг киши), Қозоғистон (20,9 минг киши) якунлайди.
Бундан ташқари мамлакатга Хитой, Туркия, АҚШ, Германия, Ҳиндистон ва бошқа мамлакатлардан ҳам сайёҳлар ташриф буюрган. Умуман олганда 2019 йилда сайёҳлик қўшни Тожикистонда бир йил аввалгига қараганда 21.5 %га ўсган.
Асосан тоғлар ва улар орасидаги водийлардан ташкил топган Тожикистоннинг бир қатор табиат инъом қилган диққатга сазовор жойлари бор. Тожик шаҳар ва қишлоқлари бўйлаб юрар экансиз, замонавийликдан кўра кўпроқ миллийлик нафасини ҳис этасиз.
Мавзуга доир: Марказий Осиёнинг 2020 йилги 10 та энг муҳим воқеаси
Мавзуга доир: Келаси йилдан Марказий Осиё спорт ўйинлари қайта тикланади
Мавзуга доир: Марказий Осиё давлатларининг халқаро савдо айланмалари борасидаги статистикалари қанчалик тўғри? (таҳлил)