Россия Федерациясининг Екатеринбург шаҳрида бокс бўйича ХХ жаҳон чемпионати давом этмоқда. Кеча мусобақанинг ярим финал беллашувлари якунига етди ва барча вазн тоифаларида финалчилар аниқланди.
Жаҳон чемпионатининг ярим финалига беш нафар боксчимиз етиб келган бўлиб, бу кўрсаткич бўйича вакилларимиз ён қўшнимиз Қозоғистон терма жамоасидан ортда қолган ҳолда иккинчи энг яхши натижани қайд этиб турганди.
Аммо, финалда ўз вакиллари билан иштирок этиш борасида Ўзбекистон терма жамоаси барча рақибларини ортда қолдирмоқда. Бугун беш нафар боксчимиздан тўрттаси финалга йўл олди, фақатгина Бобоусмон Батуров мағлубиятга учраган ҳолда бронза медали билан кифояланадиган бўлди.
Бокс бўйича жаҳон чемпионатининг финалига йўл олган вакилларимиз:
-52 кг: Шаҳобиддин Зоиров
-57 кг: Миразиз Мирзаҳалилов
-81 кг: Дилшодбек Рўзметов
+91 кг: Баҳодир Жалолов
Бугун бўладиган финал жангларида барча боксчиларимизга омад тилаймиз.