Тошкент автобусларида йўловчиларга бепул сув тарқатилди

Тошкент автобусларида йўловчиларга бепул сув тарқатилди

Ҳаво ҳарорати 40 даражадан ортиқ бўлиши туфайли, Тошкен автобусларида йўловчиларга бепул сув тарқатила бошлади, деб хабар қилмоқда “Тошшаҳйўловчитранс” матбуот хизмати.

“Тошкент шаҳрида об-ҳавонинг кескин исиб кетиши сабабли, кунниг энг иссиқ вақтларида “Тошшаҳартрансхизмат” АЖ таркибидаги автокорхоналар раҳбарияти ташаббуси билан, имкон даражасида, йўналиш автобусларида йўловчиларга бепул салқин ичимлик сувлари таклиф қилинмоқда”, — дейилган расмий хабарда.

Эслатиб ўтамиз, “Ўзгидромет” ушбу кунларда Ўзбекистон ҳудудига ғайритабиий даражада иссиқ об-ҳаво келишини хабар қилган эди. Эрон ва Туркманистон томонидан эсаётган иссиқ шамол туфайли,  10 – 13 июл кунлари ҳаво ҳарорати ўртача йиллик кўрсатгичлардан 5-7 даража иссиқ бўлиши, Тошкент шаҳрида эса ҳаво даражаси +40…+43 гача чиқиши мумкинлиги хабар қилинган эди.