25-29 март кунлари Тожикистон пойтахти Душанбе шаҳрида пара велоспорт бўйича қитъа чемпионати ўтказилмоқда.
Қувонарлиси шундаки, пара велоспортчиларимиз учун илк халқаро мусобақада Ўзбекистон терма жамоаси аъзоси Баҳодир Одинаев илк уринишдаёқ Осиё чемпиони деган унвонни қўлга киритди. Чемпион шарафига Ўзбекистон мадҳияси янграб, байроғимиз баланд кўтарилди.
Баҳодир Одинаев айни пайтда Тошкент давлат аграр университетининг Агробиология факультетида таҳсил олмоқда.
Сайтимизда кўплаб қийинчилик ва тўсиқларни енгиб ўтган Баҳодир Одинаев ҳақида “Ҳаёт ҳақиқатлари” номли махсус кўрсатув тайёрланган эди.