Тошкент шаҳрида 21–24 май кунлари кучли шамол бўлиб, ёмғир ёғиши кутилмоқда. Пойтахт Фавқулодда вазиятлар бошқармаси ҳолат юзасидан аҳолига мурожаат қилди.
Қайд этилишича, табиий ҳодисалар оқибатида фавқулодда вазиятлар вужудга келганда 101 ёки 1050 тезкор рақамларига қўнғироқ қилиш мумкин.
«Сиздан эҳтиёткорлик чораларига риоя қилишингизни, дарахтлар ва темирли қурилмалар тагига автомашиналарингизни қўймаслигингизни сўраймиз», дейилади хабарда.