Тошкент шаҳар ҳокимлиги аҳолини кучли шамол ва ёмғирдан огоҳлантирди

Тошкент шаҳар ҳокимлиги аҳолини кучли шамол ва ёмғирдан огоҳлантирди

«Гидрометеорология хизмати маркази»нинг маълумотига кўра, бугун пойтахт Тошкентда шамол ва қисқа муддатли ёмғир кутилмоқда. Шамол тезлиги 12-17 м/с гача етиши мумкин.

Шамол дарахтлар ва шохларни синдириши, мустаҳкам ўрнатилмаган конструкцияларни ўрнидан қўзғатиши мумкин. Бундан уларнинг остидаги одамлар ва автотранспорт воситаларига шикаст етиши мумкин.

Шу сабабли Тошкент шаҳар ҳокимлиги барча тошкентликлар ва пойтахтимиз меҳмонларидан кучли шамол кузатилганида кўчада ҳаракатланмасликларини, автомобилларини дарахтлар ва бошқа турли мустаҳкам бўлмаган конструкциялардан узоқроқ, хавфсиз жойга қўйишларини сўради.

«Ўзингиз ва мулкингизни бахтсиз ҳодисалардан асранг» - дейилади ҳокимлик хабарида.