Тошкент вилоятида 2,4 гектар ерни қарийб 1 млн долларга сотмоқчи бўлган шахслар қўлга тушди
9.05.2022 09:50,
84
Қайд этилишича, 6 май куни ИИВга Э.Н. ариза билан мурожаат қилган. Унда у ер олиш мақсадида юрган вақтида икки нафар фуқаро билан танишиб қолганини, ушбу фуқаролар унга танишининг номида бўлган 2,4 гектар ер майдони борлигини айтиб, ушбу ер майдонини 980 000 АҚШ долларига сотишини айтишгани маълум қилган.
Таъкидланишича, Э.Н. танишган шахслар ҳокимият идораларидаги танишлари орқали ушбу ер майдонларига коттеж қуриш учун ҳужжатларини расмийлаштириб беришини айтиб, олдиндан 98 000 АҚШ долларини талаб қилган.
Мазкур аризага асосан, ўтказилган тезкор тадбир давомида, гумонланувчи шахслар ариза муаллифидан талаб қилган 980 000 АҚШ долларидан 49 000 АҚШ долларини олган вақтларида ашёвий далиллар билан ушланди.