Тошкент вилоятида «Дамас» бутунлай ёниб кетди​

Тошкент вилоятида «Дамас» бутунлай ёниб кетди​

Фото: ИИВ ЙҲХББ

Кеча, 19 март куни соат 17:30 ларда Тошкент вилояти, Ўртачирчиқ тумани ҳудудидан ўтувчи “Тошкент-Нурафшон” автомобил йўлининг 22-километрида ҳайдовчи Б.А. бошқарувидаги “Дамас” русумли транспорт воситасида ёнғин содир бўлган. Ўзбекистон Республикаси ИИВ ЙҲХББнинг маълум қилишича, воқеа жойига ўт ўчирувчилар етиб келишган ва ёнғин бартараф этилган.

Фото: ИИВ ЙҲХББ

Ёнғин натижасида тан жароҳати олганлар йўқ. Транспорт воситаси салони ва техник қисмлари ёниб кетган. Ёнғин юзага келиш сабабларига аниқлик киритилмоқда.

Ҳурматли ҳайдовчилар бошқарувингиздаги транспорт воситасининг техник созлигига эътиборли бўлишингизни сўраб қоламиз.