Ўзбекистон Фавқулодда вазиятлар вазирлиги ҳамда Бош прокуратура жамоатчилик билан алоқалар ва ҳуқуқий ахборот бўлими бошлиғи берган хабарларга кўра, 2019 йилнинг 11 ноябрь куни Тошкент вилояти Қуйичирчиқ тумани, “Сурум” МФЙ, Намунали уй кўчасида жойлашган 1-уйнинг иситиш қозонидан табиий газнинг сизиб чиқиши натижасида чақнаш содир бўлган.
Бунинг оқибатида уйнинг том қисми қулаб тушган ва уй жиҳозлари ёнган. Бирламчи маълумотларга кўра, 2 нафар фуқаро воқеа жойида вафот этган. Бундан ташқари, 4 нафар (3 нафари вояга етмаганлар) фуқаролар турли даражадаги тан-жароҳатлари билан Республика шошилинч тиббий ёрдам илмий марказига ётқизилган.
Мазкур ҳолат юзасидан Қуйичирчиқ тумани прокуратураси томонидан тергов олди текширув ҳаракатлари олиб борилмоқда.