Тошкент вилоятида коронавирус юқтирган беморлар яшаган ҳудудлар маълум қилинди

Тошкент вилоятида коронавирус юқтирган беморлар яшаган ҳудудлар маълум қилинди

Коронавирус пандемиясига қарши курашиш бўйича Тошкент вилояти штаби бугун соат 19:00 ҳолатига кўра коронавирус инфекцияси билан зарарланган беморлар вилоятнинг қайси ҳудудларида истиқомат қилиб келишганини эълон қилди.

Маълум бўлишича, вилоятнинг тўрт туманида - Қибрай, Зангиота, Ўрта Чирчиқ ва Тошкент туманларида коронавирусдан зарарланиш ҳолатлари қайд этилган:

  • Ўрта Чирчиқ тумани, Пахтаобод қишлоғи
  • Ўрта Чирчиқ тумани «Равотак» МФЙ
  • Ўрта Чирчиқ тумани «Ўрта овул» МФЙ
  • Ўрта Чирчиқ тумани «Ғузор» МФЙ
  • Зангиота тумани «Тараққиёт» МФЙ
  • Зангиота тумани «Туркистон» МФЙ – 2 нафар
  • Қибрай тумани «Дўрмон» кўчаси
  • Қибрай тумани «Ҳикмат» кўчаси
  • Қибрай тумани «Юқори юз» МФЙ
  • Қибрай тумани «Зафаробод» МФЙ
  • Қибрай тумани Солар ГЭС, «Зиёкорлар» кўчаси
  • Тошкент тумани «Сабзавот» МФЙ
  • Тошкент тумани «Ғишткўприк» МФЙ
  • Тошкент тумани «Зарбдор» МФЙ – 2 нафар
  • Тошкент тумани «Кўксарой» МФЙ – 2 нафар

«Мазкур ҳудудлар ва унга ёндош жойларда яшовчи фуқаролардан карантин қоидаларига қатъий амал қилишларини, кўчага чиқмасликни, шунингдек, касаллик белгилари сезилса, иситма кўтарилса, зудлик билан шифокорларга мурожаат қилишларини сўраймиз.

Ўзингиз билмаган ҳолда вирус ташувчисига айланиб қолишдан сақланинг! Ўзаро мулоқотга киришганда ижтимоий масофа сақланг!», дейилади штаб хабарида.