Тошкентда Audi ёниб кетди
17.09.2019 18:06,
140
Тошкентдаги Фарғона йўлида 16 сентябрь, душанба куни соат 11:21 атрофида Audi русумли автомобиль ёниб кетган, дея хабар бермоқда Давлат ёнғин хавфсизлиги хизмати.
Ёнғин воқеа жойига етиб борган иккита ўт ўчириш бўлинмаси томонидан ўчирилган. Ҳодиса оқибатида тан жароҳати олганлар ва ҳалок бўлганлар йўқ. Моддий зарар миқдори аниқланмоқда.
Ёнғин оқибатида машинанинг мотор қисми ёниб зарарланган. Ўт ўчирувчиларнинг дастлабки тахминига кўра, ёнғинга ҳам айнан мотор қисмидаги электр симларининг қисқа туташуви сабаб бўлган.