Тошкентда темир устунга урилган "Волга" ҳайдовчиси ҳалок бўлди
17.03.2022 17:54,
100
Тошкент шаҳар ИИББ Матбуот хизматининг хабар қилишича, 2022 йил 17 март куни тахминан соат 04:00 да Бектемир туманининг Ҳусайн Бойқаро ва Бектемир кўчалари чорраҳасида ҳайдовчи 1959 йилда туғилган, А.Р. "Газ 2410" русумли автомашинасида ҳаракатланиб, руль бошқарувини йўқотиб йўл четидаги темир устунга урилган.
Натижада, ҳайдовчи олган тан жароҳатлари сабабли воқеа жойида вафот этган.
Мазкур ҳолат юзасидан ЖКнинг 266-моддаси 2-қисми билан жиноят иши қўзғатилган. Ҳозирда тергов ҳаракатлари олиб борилмоқда.