Тошкентда яна 90 та туристик йўл кўрсаткичлар ўрнатилади

Тошкентда яна 90 та туристик йўл кўрсаткичлар ўрнатилади

Тошкент шаҳар Туризмни ривожлантириш департаменти Ўзбекистон Республикаси Маданият вазирлиги қошидаги Маданият ва санъатни ривожлантириш жамғармаси билан ҳамкорликда пойтахтимиздаги туристлар орасида машҳур бўлган маданий мерос объектларига олиб борувчи йўллар бўйида 2 хил тилдаги (ўзбек ва инглиз тилларида), белгиланган стандартларга мувофиқ туристик йўл кўрсатгичлари ўрнатиш ишлари бошлади.

Департаменти матбуот хизматининг маълум қилишича, бу нафақат туристлар, балки маҳаллий аҳоли ва пойтахтимиз меҳмонларига қулайлик яратган ҳолда мўлжаллаган манзилларига тез ва осон етиб олишлари учун кенг имконият беради.

Шу каби лойиҳаларни давомийлигини таъминлаш мақсадида жорий йилнинг якунига қадар Тошкент шаҳридаги туристлар кўп ташриф буюрадиган Маданий мерос объектларида жами 90 та туристик йўл кўрсаткичларини ўрнатиш режалаштирилмоқда.