Бугун Ўзбекистон темирйўлчилари томонидан 2 йил мобайнида бунёд этилган Тошкентнинг катта чорраҳаларидан бири бўлган Оҳангарон ва Паркент ҳамда Махтумқули ва Шарқий аэропорт кўчаларини боғловчи янги уч поғоналик транспорт ечими фойдаланишга топширилди.
Президент Шавкат Мирзиёев амалга оширилган бунёдкорлик ишлари билан танишиш мақсадида, ушбу объектга ҳам ташриф буюрди. Ушбу уч поғонали кўприк лойиҳа қулайликлари ва автомобилларни ўтказиш имкониятлари билан яқиндан танишди.
Эътиборли жиҳати шундаки, мазкур лойиҳа мамлакатимиздаги илк уч поғоналик транспорт ечими ҳисобланади ва унинг атрофида бирорта ҳам светофорлар бўлмайди.