Тошкентда замонавий ўқ отиш машғулотлар базаси очилди (фото)

Тошкентда замонавий ўқ отиш машғулотлар базаси очилди (фото)

Фото: Жисмоний тарбия ва спорт вазирлиги

Тошкентдаги Мудофаа вазирлиги спорт мажмуасига қарашли ўқ отиш спорти ўқув-машғулотлар базасининг тантанали очилишида Мудофаа вазири Баҳодир Қурбонов, Жисмоний тарбия ва спорт вазирининг биринчи ўринбосари Равшан Эрматов, Мудофаа вазирлиги спорт марказининг номдор спортчилари, Ўзбекистон ўқ отиш спорти федерацияси вакиллари ҳамда спорт фахрийлари иштирок этди.

Бу ҳақда вазирлик ахборот хизмати хабар берди.

Мамлакатимизда ўқ отиш спорти билан ҳозир кунда 3 700 нафарга яқин ўғил-қиз мунтазам шуғулланиб келмоқда, шундан 800 нафарга яқини хотин-қизлардир. Уларга 136 нафар тренер ўқ отиш спорти сир-асрорларини ўргатиб келаётган бўлса, юртимизда мавжуд ТИРлар, яъни ўқ отиш мажмуалари 122 тани ташкил қилади.