Аввалроқ, Шайхонтоҳур тумани «Ганга» автомобил кўпригида бир нечта машиналар тўқнашгани ҳақида хабарлар тарқалган эди. Ушбу йўл-транспорт ҳодисаси рўй берганлиги ҳақидаги Интернет тармоғида тарқалган хабарлар бўйича Тошкент шаҳар Ички ишлар бош бошқармаси қуйидагилар маълум қилди.
"2 июнь куни соат 19:00 да Себзор ва Абдулла Қодирий кўчалари кесишмасидаги «Ганга» автомобиль кўпригида аниқланмаган “Cobalt” автомобили кескин тўхтагани сабабли етти нафар бирин-кетин ҳаракатланган автомобиллар масофа сақламаганликлари туфайли тўқнашди, яъни:
- 1) 38 ёшли Отабек Н. бошқарувидаги Lacetti автомобили;
- 2) 28 ёшли Азизжон М. Бошқарган Spark автомобили;
- 3) 24 ёшли Шоҳруҳ бошқарувидаги Nexia автомобили;
- 4) 43 ёшли Туркия фуқароси Бюлент Т. бошқарувидаги Lacetti автомобили;
- 5) 34 ёшли Зафар М. бошқарувидаги Lacetti автомобили;
- 6) 25 ёшли Собитжон Э. бошқарган Toyota автомобили;
- 7) 29 ёшли Сирожиддин Т. бошқарган Malibu автомобили;
ЙТҲ натижасида ҳеч ким жабр кўрмади. Йўл-транспорт ҳодисасининг барча иштирокчиларига нисбатан маъмурий баённомалар расмийлаштирилди"- дейилади ИИББ ахборотида.