Тошкент шаҳридан Сурхондарё вилоятига Isuzu юк машинасида келган 8 нафар фуқаро карантинга олинди. Бу ҳақда Сурхондарё ИИБ ахборот хизмати маълум қилди.
Жорий йилнинг 3 апрель куни соат 11:30 да Термиз шаҳридаги патрул-постда тўхтатилган юк автомобилида 8 нафар йўловчи борлиги маълум бўлган.
Йўловчиларнинг айтишича, улар Тошкент шаҳридан Сурхондарё вилоятининг Термиз шаҳрига йўл олган Isuzu ҳайдовчиси билан келишиб, 50 минг сўм эвазига манзилига етиб келган.
Ҳолат юзасидан Термиз шаҳар ички ишлар органлари фаолиятини мувофиқлаштириш бошқармаси суриштирув ишларини бошлаб юборган. 8 нафар йўловчига нисбатан эса маъмурий баённомалар тузилиб, улар вилоят кўп тармоқли тиббиёт марказига карантинга олинган.