Бош прокуратура ҳузуридаги Департаментининг Тойлоқ туман бўлими томонидан тадбиркорлик субъектларининг ҳуқуқларини ҳимоя қилиш юзасидан терговга қадар текширув ўтказилган. 

Текшришувда, МЧЖ раҳбари Ш.П. корхонага қарашли омборхона ва савдо дўконлари бўлмаса-да, сохта ҳужжатларни расмийлаштириш орқали бошқа бир тадбиркорга тегиши экскаваторни гаров сифатида қўйиб, банк филиалидан айланма маблағларни тўлдириш учун 1,5 млрд сўм кредит ажратилишига эришгани аниқланган. Кредит маблағидан мақсадсиз фойдаланиб, талон-торож қилган. 

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.