АҚШ президенти Доналд Трампнинг таъкидлашича, октябр ойида АҚШда коронавирусга қарши вакцинани кенг тарқатиш бошланади. Тахминларга кўра, йил охирига қадар 100 миллион дозада вакцина ишлаб чиқарилади.
«Биз вакцинани жуда хавфсиз ва самарали тарзда этказиб бериш ва тарқатиш йўлида турибмиз. Биз буни октябр ойи атрофида бошлашимиз мумкин деб ўйлаймиз», - деди жаноб Трамп матбуот анжумани пайтида.
Унга кўра, октябр ойининг ўрталарида ёки ундан кейин бўлади. Давлат раҳбари салбий сценарий бўлса, эмлаш фақат ноябрда ёки "ўта оғир ҳолатларда, декабрда" бошланишини истисно этмади.
Жаноб Трамп COVID-19 вакцинаси 2021 йилнинг иккинчи ярмида умум фойдаланадиган даражада бўлади деган тушунчани нотўғри деб атади. Бундай фикр аввалроқ АҚШ Касалликларни назорат қилиш ва олдини олиш марказининг директори Роберт Редфилд томонидан айтилган эди. Президент Америка Қўшма Штатлари вакцинада бошқа мамлакатларга ёрдам беришига умид қилмоқда.
Коронавирус операцион гуруҳида бўлган Президент маслаҳатчиси Скот Атласнинг айтишича, эмлаш америкаликлар учун "деярли бепул" бўлади. Унинг ҳисоб-китобларига кўра, вакцина 2021 йил январидан кечиктирмай маъқулланади.