Америка томони Туркия учун русларнинг C-400 ракеталар тизими сотиб олиши билан боғлиқ вазиятдан “чиқиш йўли”ни таклиф қилган. Таклиф миқдори 100 млрд. $ни ташкил қилади. Бу ҳақда газета.ру хабар қилмоқда.

Президент Ражаб Тоййиб Эрдўғон 13 ноябрда АҚШга икки кунлик ташрифини бошлади. Эрдўғоннинг америкалик ҳамкасби Доналд Трамп яқин вақтларгача Туркия иқтисодиётини йўқотиш билан таҳдид қилган ва Анқарага қарши санкциялар жорий этган эди. Оқ уй раҳбарининг бундай кескин позицияси сабаби Суриядаги туркларнинг Вашингтон билан келишилмаган ҳаракатлари эди.

Бу икки давлат раҳбарининг “Тинчлик булоғи” операциясидан кейинги илк учрашуви саналади. Америка томони Туркия учун русларнинг C-400 ракеталар тизими сотиб олиши билан боғлиқ вазиятдан “чиқиш йўли”ни таклиф қилди. ОАВ маълумотларига кўра, гап 100 млрд. долларлик битим ҳақида кетмоқда.

"Агар Туркия С-400дан қутулмаса, эҳтимол CAATSA қонуни (Санкциялар орқали Американинг душманларига қарши курашиш тўғрисидаги қонун)га мувофиқ санкциялар Конгрессда иккала партиянинг бир овоздан қўллаб-қувватлаши билан жорий қилинади ва Туркия ушбу санкцияларнинг оқибатларини ҳис қилиб кўради. Биз буни президентга аниқ айтдик”, - деди АҚШ президентининг миллий хавфсизлик бўйича маслаҳатчиси Роберт О'Брайен.